وہ ایک رات

   وہ ایک رات

عبدالہادی علیم بن عبدالخالق خلیق                                               

وہ ایک رات  جو بہتر ہزارماہ سے ہے[[1]]               اسے تلاش کرو ،  اس کی جستجو  میں رہو

عَفُو ہے رَبِّ کریم اور مُحِبِّ عَفْو بھی ہے[2]             تم  اپنی  چاک گریبانی  کے  رفو  میں  رہو

اسی کی یاد سے  دل  کو  سکوں  میسر  ہے                 کبھی قیام، کبھی سجدے اور رکوع میں رہو[[3]]

تمھارا  ذکر  ملائک   کے   سامنے   ہوگا                    ہے شرط آپ بھی تعمیلِ  فَاذْكُرُو  میں رہو[[4]]

ہمارے  واسطے  کافی  نبی[﷐]  کی سنت  ہے           جناب من! یہ کہاں ہے کہ ھا وھو میں  رہو[[5]]

علیم گریہ کناں، خواست گارِ رحمت ہے                سمیع رب کا ہے فرماں، دعا کی خو  میں  رہو

---

[[1]] اس سے مراد شب قدر ہے۔  ارشاد باری ہے: { لَيْلَةُ الْقَدْرِ خَيْرٌ مِنْ أَلْفِ شَهْرٍ} [القدر: 3]

[[2]] اس سے شب قدر کی مخصوص دعا کی طرف اشارہ ہے:  اللهم! إنك عفوٌّ تحبُّ العفو؛ فاعف عني۔ (السلسلة الصحيحة (13/ 140)

[[3]] آیت {وَأَقِمِ الصَّلَاةَ لِذِكْرِي} [طه: 14] کی طرف اشارہ ہے۔

[[4]] اس سے آیت { فَاذْكُرُونِي أَذْكُرْكُمْ } [البقرة: 152] کی طرف اشارہ ہے۔

[[5]] اس سے صوفیا کے خودساختہ طریقہ ذکر کی تردید مقصود ہے۔