سونے کے آداب

سونے کے آداب

                دن کے حرکت وعمل اور محنت ومشقت کے بعد تھکاوٹ ہوجاتی ہے۔ تکان کے بعدرات میں نیند لینے سے آرام وراحت مل جاتی، جسم کے اندر قوت ونشاط دوبارہ لوٹ آتی اور چین وسکون مل جاتا ہے۔نیند انسان کی زندگی اور تندرستی کے لئے بے حد ضروری ہے۔قرآن پاک میں اﷲتعالی نے نیند کو باعث آرام قرار دیا ہے اور اسے اپنی ایک رحمت شمار کرایا ہے۔

لہٰذا مندرجہ ذیل باتوں کا خیال رکھیں :

١۔ صلاة عشاء کے بعد جلد سوجائیں۔

٢۔ وضو کرکے دائیں کروٹ کے بل سوئیں۔

٣۔ سونے سے پہلے اپنا دایاں ہاتھ رخسار کے نیچے رکھ کر یہ دعا پڑھیں:

«اَللّٰهُمَّ  بِاسْمِكَ أَمُوْتُ وَأَحْیَا»

[اے اﷲتیرے نام کے ساتھ ہی میں مرتا اور زندہ ہوتا ہوں]۔

٤۔ سونے سے پہلے سورہ ﮋ ﭑ  ﭒ  ﭓ  ﭔﮊ، سورہ  ﮋ ﭤ  ﭥ  ﭦ  ﭧﮊ اور سورہ  ﮋ ﮀ  ﮁ   ﮂ  ﮃ  ﮊ پڑھ کر اپنی ہتھیلیوں پر پھونک لیں اور اپنے سارے بدن پر پھیر لیں اور ایسا تین بار کریں۔

٥۔ سونے سے پہلے کے اذکاراور دعائیں پڑھ کر سوئیں۔

٦۔ ایک ٹانگ پر دوسری ٹانگ رکھ کر چت لیٹ سکتے ہیں بشرطیکہ ستر کھلنے کا اندیشہ نہ ہو۔

٧۔ سونے سے پہلے دن بھر کا جائزہ لیں کہ کیا کھویا اور کیا پایا ہے۔

٨۔ سونے سے پہلے وتر پڑھ لیا کریں۔

٩۔ اگر نیند کی حالت میں کوئی پسندیدہ خواب دیکھیں تو اس کا ذکر اپنے کسی محبوب اور پسندیدہ شخص ہی سے کریں۔

١٠۔ اگر کوئی برا یا ناپسندیدہ خواب دیکھیں تو:

١)۔ اس خواب اور شیطان کے شر سے اﷲکی پناہ مانگیں۔

٢)۔جس کروٹ لیٹے تھے اسے بدل کر دوسری کروٹ ہوجائیں۔

٣)۔ بائیں جانب تین بار تھوک دیں۔

٤)۔ کسی سے یہ خواب بیان نہ کریں۔

                یاد رکھیں کہ اگر آپ نے ان باتوں پر عمل کیا تو آپ کو اس برے خواب کا کوئی ضرر نہ ہوگا۔

١١۔ بیدار ہوکر یہ دعا پڑھیں:

«اَلْحَمْدُ لِلّٰهِ الَّذِي أَحْيَانَا بَعْدَ مَا أَمَاتَنَا وَإِلَيْهِ النُّشُورُ»

 [تمام تعریفیں اس اﷲکے لئے ہیں جس نے ہمیں مارنے کے بعد زندگی عطا کی اور اسی کی طرف لوٹ کر جانا ہے]۔

اور مندرجہ ذیل چیزوں سے پرہیز کریں:

١۔ پیٹ کے بل سونے سے خواہ دن ہو یا رات۔

٢۔صلاة عشاء کے بعد بلا وجہ باتیں کرنے سے۔

٣۔ اپنی طرف سے کوئی جھوٹا خواب گھڑ کر بیان کرنے سے۔