غیر مسلموں کے حقوق

غیر مسلموں کے حقوق

                 اہل اسلام کا عقیدہ ہے کہ اسلام کے سوا تمام ادیان ومذاہب باطل ہیں اور صرف اسلام ہی دین برحق ہے۔ اسلام کے ماننے والے مسلمان اور نہ ماننے والے کافر یا غیر مسلم کہلاتے ہیں۔

لہذا مندرجہ ذیل باتوں کا خیال رکھیں:

١۔ کافر کا کفر پر باقی رہنا پسند نہ کریں کیونکہ کفر کو پسند کرنا بھی کفر ہے۔

٢۔ کافر کو دین حق سمجھائیں اور اسے سچائی کی دعوت دیں۔

٣۔ کافر سے بغض رکھیں کیونکہ وہ اﷲکے یہاں مبغوض ہے اور ایک مسلمان کی محبت اور بغض اﷲکے لئے اور اﷲکے حکم کے مطابق ہوتی ہے۔

٤۔ کافر سے جگری دوستی اور دلی محبت نہ رکھیں۔

٥۔ اگر کافر مسلمانوں کے ساتھ حالت جنگ میں نہ ہو تو اس کے ساتھ عدل وانصاف اور نیکی کا برتاؤ کریں۔

٦۔ انسانی معاملات میں کافروں کے ساتھ بھی مہربانی کا برتاؤ کریں۔ بھوکے کو کھانا کھلائیں، پیاسے کو پانی پلائیں، بیمار کا علاج کرائیں اور اسے تکلیف پہنچانے سے پرہیز کریں۔

٧۔ کافروں کو تحفے تحائف دینے اور ان کے تحفے قبول کرنے دونوں جائز ہیں۔

٨۔ کافر چھینک مارے اور «اَلْحَمْدُ لِلّٰهِ» کہے تو مسلمان جواب میں کہے: «یَهْدِیْکُمُ اللّٰہُ وَیُصْلِحُ بَالَکُمْ» (اﷲتمھیں ہدایت دے اور تمھارے حال کو درست کرے)

٩۔ اگرکوئی کافر سلام کرے تو جواب میں  وَعَلَیْکُم کہیں۔

اور مندرجہ ذیل چیزوں سے پرہیز کریں:

١۔ کسی کافرکی جان ومال اور اس کی عزت وآبرو پر حملہ کرنے سے اگر وہ مسلمانوں کے ساتھ حالت جنگ میں نہ ہو۔

٢۔ کافروں کا ذبیحہ کھانے سے البتہ یہودی اور نصرانی کافر کا ذبیحہ کھانا جائز ہے۔

٣۔ کسی کافر لڑکی کے ساتھ نکاح کرنے سے البتہ یہودی اور نصرانی (عیسائی) لڑکی سے نکاح کرنا جائز ہے۔

٤۔ کسی مسلمان عورت کو کسی بھی کافر مرد سے نکاح کرنے سے کیونکہ ایسا کرنا حرام ہے۔

٥۔ کسی کافر کو سلام میں پہل کرنے سے۔

٦۔ کافروں کی مشابہت اختیار کرنے سے مثلاً داڑھی منڈانے اور مونچھیں بڑھانے سے کیونکہ ایسا کرنا کافروں کا شیوہ ہے۔