اولاد کے حقوق
اولاد اﷲکی عظیم نعمت ہیں۔وہ اپنے
والدین کا وارث، ان کی آرزوؤں، تمناؤں اور منصوبوں کی تکمیل کا ذریعہ اور بڑھاپے
کا سہارا ہیں۔ ان کی بہتر تعلیم وتربیت ایک کامیاب معاشرے کی تشکیل کے لئے ازحد
ضروری ہے۔ انسان اپنی موت کے بعدبھی ان کی
دعاؤں سے مستفید ہوتا ہے۔
لہٰذا
مندرجہ ذیل باتوں کا خیال رکھیں :
1۔ان
کے بہتر نام رکھیں اور پیدائش کے ساتویں دن ان کا عقیقہ کریں۔
2۔
ان کے نیک اور صالح ہونے کی دعا کریں۔
3۔
دستور کے مطابق ان کا خرچ ادا کریں۔
4۔
ان کی حفاظت کریں، ان پر توجہ دیں، ان کی نگرانی رکھیں اور وہ جس مقصد کے لئے پیدا
کئے گئے ہیں اس کے لئے انھیں تیار کریں۔
5۔
ان کے ساتھ عدل وانصاف کا معاملہ کریں۔
6۔
ان کے ساتھ شفقت ونرمی کا برتاؤ کریں اور مفید چیزوں کی طرف ان کی رہنمائی کریں۔
7۔
ان کی عمدہ تعلیم وتربیت کا انتظام کریں اور ان کی جسمانی اور روحانی صحت وتندرستی
کا خیال رکھیں۔
8۔
بیمار ہونے پر ان کا علاج کرائیں۔
9۔
ان کے لئے اچھی صحبت اور اچھا ماحول مہیا کریں۔
10۔
بری صحبت سے ان کی حفاظت کریں۔
١1۔
ان کے لئے اچھا اسوہ اور نمونہ پیش کریں۔
١2۔
سات سال کے ہوجائیں تو ان کو صلاة کا حکم دیں اور دس سال کے ہوجائیں تو اس پر
سزادیں۔
١3۔
دس برس کی عمر ہوجانے کے بعد ہر ایک کے لئے الگ الگ مستقل بستر کا انتظام کریں۔
١4۔
بالغ اور جوان ہونے کے بعد ان کا نکاح کردیں۔
اورمندرجہ
ذیل چیزوں سے پرہیز کریں:
١۔
ان کی تعلیم وتربیت میں غفلت وکوتاہی سے۔
٢۔ان
کو بے جا سزا دینے سے۔
٣۔
کسی ایک کو یا سب کو وراثت سے محروم کرنے سے۔
٤۔
ان کے درمیان عدل وانصاف نہ اپنانے سے۔
٥۔
بالغ ہونے کے بعد ذاتی اغراض ومصالح کی بنیاد پر شادی نہ کرانے سے۔